Tradusãun: Doralisa Simas. Revisãu: Nezi Brito

Antero Euclides Simas Correia e Silva 

Praia, Santiagu, 1952 – New Bedford, Massachussetts, 2022 

Konpuzitor 

Autor ke serka d’ 40 konpuzisãu gravod, el ben d’un familia d múzike: se avô tava toka violine y se pai klarinete, y el foi un grande kolesionador de diskus. Konte el tinha uns 10 óne d’idadi, Antero konsegi se primer violãu y el ka demora mute pa komesa ta konpo.

Influensiode pa Beatles y ke sorte de ten un amigu ke tava traduzi-l létra ses primer múzika, del ke ben vra un d’kes grande konpozitor de kriolu, foi na inglês. Se obra mas konxide é Dosi Gérra, un mix de imajens des ilías ke pratikamente torna un inu nasional alternativu. El resebé prémiu de konpuzisãu na idisãu de 1987 de konkurse de Todu Mundu Kanta y, na ote one, Prémiu B.Léza, ke konsagra kes 2 medjor konpuzisãu de Kab Verde independente. Kel ote konpuzitor premiode foi Manuel d’Novas. 

Na anus 60, Antero Simas partisipa na primere formasãu de grupu Apolos, k’bai pa Portugal enkuante Simas tava ta kunpri servisu militar- y mas tarde tanbe de kel ke foi enbriãu de Bulimundu: El tava morode na Pedra Badejo, ta trabaia pa PAIGC, konde Katxás volta de stranjere ke alguns ikipamente y un prujétu na kabesa. Es txega d’forma un grup txmod Nhu Santiagu, y depos vra Bulimundo. 

Na 1976, Antero Simas bai pa Sal, pa trabaia nakel k’ben vra ASA-Aeroportos e Seguransa Aerea. 

Na Sal Antero renkontra un veliu amigo Tonecas Marta, un apaixonode pa serenatas ke ben ser un de kes prinsipal interpretes de Antero Simas y ke kaba pa leva-l pa domíniu de múzika tradisional, o seja, pa se kintal. 

“No tava toka tude dia na kaza d’Marta y N komesa ta konxé  otes muzikus y no forma un grupu txmode Kasinba da Madrugada.” 

Ote kontate inportante des epoka foi Luis Rendall, k’tava mora na Sal na kel altura y senpre ta toka ses solu na violãu. ”Foi periudu k’mas m’aprosima d’Múzika tradisonal Kabu Verdiane, pamod desd pikinim m’tinha otes referensias- nha pai foi sempre apaixonod pa jazz, y mi, kont m’komesa d’konpra nhas diske, era Beatles, Stones… Mas tarde ben Chico Buarque, Caetano…” 

Depos des faze y ainda na Sal, ondé el mora desde dekada d’1970 Antero Simas integra Clave de Sal y Mobafuco. A partir d’2021 el foi akonpanhod pa Banda Aliada. Na 2009 el grava CD Kriolo ondé el kanta y toka violãu y na es disk autor konta k’partisipasãu vokal dun grande nunbre d’konvidode. 

Pa konxi más

Múzikas

Alma Violão; Amiga; Cretcheu di nha vida; Dança di nôs Ilhas; Distino di Criola (parceria com Tonecas Marta): Diva; Doce Guerra; Dona Áfrika; Escuta-me; Fidjo Rei di Funaná; Folclore e Vida; Homi di Mil Glória; Joana Santana; Kriolo; Manel Piscador; Maria Coxa Redondo; Maria da Graça; Maria sem veu y grinalda; Matchamor; Metamorfose; Moral Carrasco; Na Dia di Bo Regresso; Natalino; Nha Maninha; Nha Morna; Nha Sodadi; Nha Sonho; Praia Maria; Privatização di Clima; Rabolo di mi cu Maria; Resposta de Gote Pingode; Rotcha Nu; Stado da Naçon; Súplica; Voltinha di Amor na Santiago.

Disku Iditadu

• Criolo, idisãu di artista, ilha di Sal, 2009.

Odja y obi