Na se viaji na naviu Beagle, Charles Darwin pasâ pa Kabu Verdi. Na San Dumingu, na Santiagu, e teve kontaktu ku batuku ki el ta diskrebe asin:
“Ta kontisê ki éra un grandi dia di fésta, y kel kabu staba xeiu di argen. Na ben, du pasâ pa un grupu di uns vinti rapariginhas prétas, bistidu ku mutu gostu, ses peli negru ku kel linhu branku móda nevi ta daba na vista inda más ku lénsu di txeu kor y xalis kunpridu. Sin ki nu txiga pértu des, es bira fasi y inkuantu es ta kubriba kaminhu ku ses xalis, es kanta ku forsa un kantiga selvaji, inkuantu es ta marka rítimu ku ses mon na ses pérna. Du bota-s argun dinheru, ki es rasebe ta ri, y du ba nos kaminhu inkuantu es ba ta radobra barudju di ses múzika”.
Kumésu di Inprénsa na Kabu Verdi, ku publikasãu di primeru Boletim Oficial, na Boavista, undi ki, na kel ténpu, Guvérnu tinha sèdi. Boletim ta inkluíba, léndu asuntus di guvérnu, notísias, krónikas y avizus.
Proibisãu di Tabanka: Pastoral di Bispu di Kabu Verdi, Don João Henrique Moniz, di 29 di Abril di 1847, proíbi partisipasãu di menbrus di grupus di tabanka nas Festividadi di Santa Krus, di 3 di Maiu:
“(…) nu proíbi tudu kuza, ku péna di skumunhãu, prizénsa na kes mesmu igreja, algen maskaradu, o ku bistimenta suju y ridiklu pa sisti kes Sermónia Divinu (…)”
Riferénsia más antigu di palavra mórna na inprénsa debe ser kel ki parse na revista A Época, undi José Maria de Sousa Monteiro ta skrebe:
“Alén di batuku y mórna (sarau) ki gentis di ilhas ta mata ténpu ku el y ta ngana fómi, o ta selebra arguns kontisimentu inpurtanti, o nun dia di Santu di ses divusãu, ten tudu anu un fésta jeral na tudu ilha, ki é kel di Santa Krus, ki é prinsipalmenti di skravus.”
Diskrisãu di un sesãu di batuku na primeru rumansi ku téma kabuverdianu, O escravo, di José Evaristo de Almeida, ki publikadu na 1850.
“Ta formadu un róda: trinta o más bóka di mudjer ta abri y es ta da ses vós liberdadi, ku un stensãu ki ses vos ten ki ta da kalker baritunu inveja. Inkuantu un di ses mon bate regularmenti – ta faze sai di panu kes son konpasadu y seku, kel otu ta fazeba un son tremedu, un spesi di rufo, ondi ki sta tudu delicadeza di txabéta. (…)”.
| Vila di Praia birâ sidadi dia 29 de Abril. |
Anu di nasimenti di kónegu António Manuel da Costa Teixeira, kriador di Almanach Luso-Africano, undi publikadu partituras di múzika kabuverdianu. Kel Almanach la publikadu dos bes: 1895 y 1899.
Batuku: diministrador di Konselhu di Praia, José Gabriel Cordeiro, proíbi kes sesãu di batuku na “tudu ária di sidadi” y, móda ta konsta na dukuméntu di séklu, determinadu ma ta prendedu ken ki ka kunpri.
“(…) sendu batuku un divertimentu ki é kóntra sivilizasãu des séklu, pamódi el é altamenti inkonvinienti y inkómodu, ofensivu di bon moral, ordi y trankuilidadi públiku”. Y kes gentis ki ta partisipa na el es ta konsideradu tanben “povu menus sivilizadu”.
Fundasãu di Simináriu-Liseu di Saninklau.
Nasimentu di Eugénio Tavares dia 18 di Otubru.
Inaguradu Tiatru Afrikanu dia 1 di Janeru di 1868.
Saí lei pa kabadu ku skravatura na Kabu Verdi.
Nasimentu di Pedro Cardoso, na Djarfogo, 14 di setembru.
Publikasãu di partituras di múzika kabuverdianu, ku titlu “Músicas Populares de Cabo Verde”, pa Sociedade de Geografia de Lisboa.
Publikasãu di livru di naturalista y etnógrafu di Austria, Cornelio Doelter y Cisterich, undi ki e ta diskrebe batuku, ki e sisti kantu, anus antis, e vizitaba Kabu Verdi.
Nasimentu, na Fogu, di Augusto Abreu, ki birâ, dispos, na Mérka, pioneru na gravasãu di diskus di kabuverdianus, ku se grupu Abrew’s (Purtuges) Instrumental Trio.
Publikasãu di primeru vulume di Almanach Luso-Africano.
Dirijidu pa jornalista Luís Loff Vasconcelos, Revista de Cabo Verde foi un fonti inpurtanti di dadus sobri virada di séklu nas idja. E teve 17 edisãu duranti 1899.
