Praia Maria

Calu di Guida

Praia Maria afinal
Praia Maria afinal
Praia Maria afinal
Praia Maria afinal

Kel bez era so mondrongu
Ma Gossi dja bira tudu musturadu
Tudu k’un Txada é meiu di txon
Anos nen un braku pa simentera

Kel bez era so mondrongu
Gossi dja bira tudu trapadjadu
Tudu ku un quarta é meiu di txon
Anos nen un koba pa simentera

Nhos flan pamodi ki dja nhos ka bendi nos txon
Na strangeru, so trokadu ganancia
Ki nen nos fidju ka t’erda ki fari nos netu

Txon di Mamai dja bira moda kel kusa txubara
Terra papai moda kumadri nha djuana

Forti terra ki djustisa ka ten
Ma djustiseru un dia ta Ben
P’en toma konta di si txon
Ki pekadoris a’ta kuda me di ses

Forti Terra ki djustisa ka ten
Ma djustiseru un dia ta ben
P’en toma konta di si txon
Ki ditadoris dja ka marka mé di ses

Djonsa manku, era capataz
É kori sò traz di saia gaita gaita
É n'pinha oru é kumpra malakata
Ma é passa pinaku moda si kumpadri

Ba tadja txuba la na Neta Gomi
Ma nen Mulatu k'ara di si laia
Ki fari djentis la di k'asa Naia
K'era sô pa kularinhu branku

Di codji bitxu Txada San Francisku
Djes renkia marka es toma konta portu
Forti terra coitadu
Sabidu dja subi sobradi

Di palmarexu, Kamba son martinhu
So pa rol di mar ti Cidadi Velha...
Ai sin larga limaria…
Es ta pon el na koima...

Praia Maria afinal
Mamai Mãe Madrinha nhós mé
Praia Maria afinal
Sogra madrasta N’ta n’tendi