Nasimentu de Nha Bibinha Cabral, dia 11 di Fevreru, na Tarrafal.
Nasimentu di B.Léza, dia 3 di Dizénbru, na Sãu Visenti.
Nasimentu di Baltasar Lopes da Silva, dia 23 de Abril, na S. Nikulau.
Prínsipe Rial Don Luiz Filippe vizitâ Kabu Verdi. Konpuzitor José Bernardo Alfama didika-l un múzika. Disfarsadu, na kel omenajen, Alfama ta papia di pobréza di prublemas di falta di skóla na Kabu Verdi.
“Nhô Dom Luiz Filipe! / Nhô fazê um z’móla / Nhô deixâ nês terra / Nem qu’é só um scóla (…) / Nhô Dom Luiz Filipe! / Nhô qu’é branco fino / Câ nhô ‘squecê di nôs / Nem di nôs distino…”
Raboita di Rubon Manel: un revolta di agrikultoris kóntra grandis propietárius di térra na intirior di Santiagu. Fika na memória di povu kel gritu di gérra: “Omi faka, mudjer matxadu, mininus tudu ta djunta pédra”. “Kenha ki bem ki ta bai” di Kim de Santiago ta fala di kel kontisimentu móda “Raboita di Rubon Manel” de Orlando Pantera fasi tanbe.
NA MUNDU Inplantadu rijime republikanu na Purtugal, dia 5 di Otubru di 1910, ruzultadu di revulusãu organizadu pa Partidu Republikanu Purtugês ki kaba ku monarkia.
Nasimentu di Jotamonte (Jorge Fernandes Monteiro, Jorge Kornetin) 1 di Otubru, na un naviu na mar.
NA MUNDU Primeru Gerra Mundial, ruzultadu di konflitus entri grandis putensia di Europa.
NA MUNDU Gripe spanhóla: pandemia de vírus influenza afetá kuaze un kuarte de pupulasãu mundial.
Na Sãu Visenti, un mórna instrumental de autor deskunheside razistá kel pandemia de influenza: se title é “Gripe”.
Nasimentu di pianista y konpuzitora Tututa, dia 16 di Janer, na Sãu Visenti.
Nasimentu de Ti Goy (Gregório Gonçalves), dia 10 di Abril, na Sãu Visenti.
Gago Coutinho y Sacadura Cabral, na viajen de Purtugal pa Brazil, pará na Sãu Visenti. Ti Goy faze un mórna “Dois Aeronautas” pa omanajiá kes aviador purtugês.
Nasimentu di Fernando Quejas, na sidadi di Praia, Santiagu, a 30 de abril.
NA MUNDU Mérka proíbi entrada di analfabétus na se térra, ku leis duru ki kumisa na 1919, ki ben pasa ta ser un golpi duru pa kabuverdianus, pamódi Mérka éra ses distinu prinsipal pa emigrasãu.
Nasimentu di Nha Nácia Gomi, dia 18 di julio, na Ribera Prinsipal, Tarrafal, Santiagu.
Nascimentu di Frank Cavaquinho (Francisco Vicente Gomes), na Ribera Grandi, Santanton, a 3 de julio.
Nasimentu, na Soncente, dia 13 de Fevreru, de Djunga de Biluca, pioneru na emigrasãu di kabuverdianus na Eropa, konbatente antikolonial y fundador di Morabeza Records, na Roterdãu.
Na Nova Iórki, na editora Columbia, Portuguese Criolo Trio di Johnny Perry faze primeru gravasãu di un disku ku múzika kabuverdianu. Té 1935, otus grupu di kabuverdianu ben ta grava diskus ki ta tokadu na gramofóni: Abrew’s Portuguese Instrumental Trio y Orchestra da Notia.
Morti di Eugénio Tavares, na 1 de Junho, na Djabraba.
Nasimentu di Morgadinho, na Praia Branca, San Nikolau, a 24 de julio.
Nasimentu de Bana, dia 5 de marso, na Sãu Visente.
Nasimentu di Ano Nobo, dia 1 de janero, na San Dumingo, Santiagu.
NA MUNDU Exposição Colonial do Porto: Riprezentasãu di Kabu Verdi inkluí grupu di múzikus, mudjeris ki ta badja dansa tradisional y artezãu, komandadu pa Luís Rendall. Atuasãu di grupu grupu kabuverdianu distakadu na primerus pájina di kes jornal purtuges.
Nasimentu di Luís Morais, dia 10 de Fevereru, na Sãu Visenti.
Lansamentu di revista literáriu Claridade, ki ta sigiba stétika di moviméntus modernista di kel príude y ke marká kultura kabuverdianu.
Nasimentu di Manuel d’Novas (Manuel de Jesus Lopes), na Ribera Grande, Santanton, dia 24 de Fevereru.
NA MUNDU Invazãu di Pulónia pa Alemanha, dia 1 di Seténbru di 1939, ta marka kumésu di Sugunda Gérra Mundial. Di Eropa, e spadja pa Áfrika, Ázia y Oseania. Nasãu di tudu kontinenti partisipa na el.
Nasimentu di Humbertona, dia 17 di fevereru, em Santanton; nasimentu di Codé di Dona, dia 10 de julio, na Santiagu; nasimentu di Celina Pereira, a 10 de setembru, na Bubista .
NA MUNDU B.Léza bá pa Lisboa, komu xéfi di grupu ki riprezenta Kabu Verdi na Exposição do Mundo Português.
Nasimentu di Cesária Évora, dia 27 di agostu, na Sãu Visenti.
Morti di Pedro Cardoso, dia 31 de otubro, na sidade di Praia.
Publikadu primeru nunbru di Cabo Verde-Boletim de Propaganda e Informação, dia 1 di Otubru.
Lansamentu di primeru álbun de Fernando Quejas, na Portugal, ku orkestrasãu di maestru Joaquim Luís Gomes, undi e rializa sonhu di odja mórna tocadu pa un orkéstra.
Nasimentu di Ildo Lobo, dia 25 de novembru, na Pedra de Lume, na Djadsal.
Nasimentu di Norberto Tavares, dia 6 di Junhu, na Santa Catarina, Santiagu.
NA MUNDU Fundação di Partido Africano para a Independência da Guiné-Bissau e Cabo Verde (PAIGC).
Morte di B.Léza, dia 14 de Junhu, na Sãu Visenti.
NA MUNDU Na Cuba, dia 1 di Janeru, un movimentu armadu y girrilheru liderado pa Fidel Castro tra ditador Fulgencio Batista di guvérnu.
NO MUNDO Inísiu di luta armada kóntra kolonialismu purtuguês na Angóla, Giné y Mosanbike.
Lansamentu di disku instrumental Cabo-Verdianos na Holanda, primeru edisãu di Casa Silva, di Djunga di Biluca, iditora ki pasa mas tardi ta txumadu Morabeza Records.
Nasimentu di Orlando Pantera (Orlando Monteiro Barreto), na Santa Krus, Santiagu, dia 1 de Nuvénbru.
NA MUNDU Sasinatu di Che Guevara, dia 9 di Otubru.
Fundasãu, na Praia, di konjuntu Os Tubarões. Es ta uzaba instrumentus elétriku ki éra raru na época.
Sasinatu di Amílcar Cabral, dia 20 di Janeru.
Giné-Bissau bira primeru kulónia purtuges na Áfrika ki deklara indipendênsia, dia 24 di Setenbru ki ben Portugal so ben rekonhese dipos di un anu.
NA MUNDU Na Purtugal, dia 25 di Abril, un revólta militar dirruba rijime António Salazar. Kel faktu li é tanbén konxedu pa Revolução dos Cravos.
5 di Julho: Proklamasãu di Repúblika di Kabu Verdi.
Fundasãu di grupu Bulimundo. Na 1980, sai ses primeru álbun, Djam Brancu Dja.
Primeru idisãu di Fistival di Baía (Festival Internacional de Música da Baía das Gatas )
Fundadu grupu Finaçon. Nes anu li mé lansadu se primeru disku, Horizonte.
Morti di Luís Rendall, dia 4 di Dizénbru.
NA MUNDU Kéda di Muru di Berlin, dia 9 de novembru.
NA MUNDU Dia 11 di Fevereru di 1990, Nelson Mandela libertadu, dispos di 27 anu di prizãu. Primeiru ileison livre y tudu rasa na Áfrika di Sul fetu na 1994, y asin fika markadu fin di riime di apartheid. Mandela elejedu prizidenti.
Primeru ileisãu multipartidáriu na Kabu Verdi, undi ki partidu vensedor foi Movimentu pa Demokrasia (MpD).
Morti di Ti Goy, dia 17 de Junhu, na Son Cente.
Lansamentu de Miss Perfumado, álbun ki lansa karrera internasional di Cesária Évora.
Fundasãu di grupu Simentera.
Morti di Frank Cavaquinho, dia 2 di maiu, na Roterdan, Olanda.
Fundadu grupu Ferro Gaita. Na otu anu sai se primeru disku, Fundu Baxu.
Morti de Jotamonte, dia 21 de Novenbru.
